تشغيل تأكيد الأوردرات على واتساب خطوة بخطوة

قبل ما تبدأ

• رقم واتساب مربوط: اتبع شرح ربط الرقم.
• متجر مربوط: إيزي أوردرز أو شوبيفاي أو ووكومرس أو Google Sheets أو وي سيل.
• قالب معتمد: لما بتربط رقمك، ConfirmX بيبعت لميتا قالب تأكيد جاهز باسم confirmx_ta2ked، فيه 3 أزرار: تأكيد الطلب، إلغاء الطلب، وخدمة العملاء. اتأكد من صفحة «القوالب» إن حالته بقت APPROVED.

الطريقة السريعة: مسار جاهز

1. افتح «الأتمتة» ودوس «إنشاء من قالب».
2. اختار «تأكيد طلبات التجارة الإلكترونية».
3. حدد الربط ورقم واتساب، ودوس «إنشاء اتمتة». المسار بيتعمل متوقف.
4. افتح المسار وراجعه، وبعدين دوس «اضغط للتفعيل».

الطريقة اليدوية: لو عايز تتحكم في كل خطوة

1. من «الأتمتة» دوس «اتمتة جديدة»، واكتب الاسم، ودوس «إنشاء وفتح المحرر».
2. على كارت المشغّل، دوس أيقونة «تغيير نوع المشغل» لحد ما يبقى «طلب جديد»، واختار الربط.
3. ضيف عقدة «إرسال قالب»، واختار الرقم والقالب، واسحب حقول الأوردر على متغيرات القالب، زي order.customer.name و order.total.
4. ضيف عقدة «استجابة الزر» ووصّلها. الأزرار بتتقري من القالب لوحدها.
5. من كل زرار، ضيف عقدة «تحديث حالة الطلب» واختار الحالة.
6. لو حبيت، ضيف «إرسال رسالة» تشكر العميل. ضغطة الزرار بتفتح نافذة الـ24 ساعة، فالرسالة الحرة مسموحة.
7. احفظ وفعّل المسار.

جرّبه بأوردر حقيقي

زرار «اختبار» في المسار تجربة من غير إرسال، فمش هيوصلك منه رسالة. عشان تتأكد إن كل حاجة شغالة، اعمل أوردر حقيقي برقمك على متجرك، ودوس على زرار، وشوف الحالة اتغيرت فين.

رد العميل بيعمل إيه في متجرك؟

لو العميل مارَدّش أو كتب كلام

• مارَدّش: المسار بيفضل مستني، وبينتهي بعد 24 ساعة في الإعداد الافتراضي.
• كتب بدل ما يدوس زرار: تقدر تحدد في «شروط الردود البديلة» إيه اللي يحصل مع النص أو الصور أو الموقع.
• مطابقة الأزرار بتتم باسم الزرار، فلو غيّرت القالب راجع المسار.

أسئلة شائعة

اقرا كمان